鄉下仔

营业中

休息中

乡下仔系一间位于屋邨商场街市里面， 非常唔起眼嘅粉面档。 但系我真心觉得佢啲嘢好好食， 就算搬走咗， 有时返开嚟都会落去食碗牛腩米。 位置喺太和商场落电梯, 落到街市𠮶层, 一转入去面包舖旁边就系， 应该都系街坊热门小店。 毕竟系太和近近哋想食间好味牛腩米， 都真系唔知喺边度揾。 我自己黎亲最常食嘅系云吞或者牛腩米， 有时都会叫碗净鱼蛋。 觉得佢嘅牛腩炆得非常淋， 食咁多次都未试过中伏。 云吞系好多虾𠮶种， 唔会觉得里面加咗好多其他嘢，皮薄馅靓。❤❤ 唔知大家有冇试过出面食碗云吞米但系个米粉劲难食， 完全理解唔到点解卖粉面个面底竟然可以咁难食， 所以我更加珍惜乡下仔呢度食乜嘢面都中规中矩🤤🤤好抵赞。 另外都想推介下鱼皮， 买包返屋企打边炉都一样好味。