大同韓燒 (已結業)

首先想讲下餐厅设备同服务，唔知系咪家庭式餐厅，店员都好nice同细心；炉上面有一层纸，好容易就可以跣走d油，烧出尼既肉唔会油淋淋，同时啲㶶左既野都系好易刮两刮就甩张纸都唔会穿，d肉唔会沾上d黑色㶶左嘅野👍🏻韩烧肉类选择多，有鸡有猪有牛，仲有鸭胸，羊排，扇贝，青口，鸡肉同猪颈肉都好入味，餐厅系腌制方面落左好多功夫，肉类嘅选择都好多，特别推介猪颈肉，肉质好爽口，其实可以唔洗点酱汁😂👍🏻有barbeque嘅感觉，鸡肉同梅头肉都好值得一试，腌料同肉配合得好好，都系好够味～而扇贝同青口都好新鲜，感觉有海水既鲜味😆蔬菜方面，主要推介金菇，翠玉瓜同蕃薯仔，翠玉瓜同金菇烧完系唔会好干 仲有汁系入面，咬落都系爽口既；紫心蕃薯仔好甜😍烧两烧就食得～餐厅仲有甜品，雪糕，糖水，各式寿司，三文鱼刺身，日式小食 (例如螺肉，煎饺), 仲有韩式泡菜，啤酒汽水任饮，怕热气仲有我最喜欢的咸甘吉 甘蔗水等等😆性价比超高！