黃金燒味 (已結業)

夜晚喺湾仔做完facial，经过见到呢间舖头食烧味，价钱又平，当然要试一试！入去之前见到送是日小食一客，点知入到去先话冇晒，其实喺门口贴定讲声会好好多！餐厅嘅间格同座位唔太舒适，店舖卫生都一般般，好彩啲嘢食搭救。▪️蜜汁叉烧拼脆皮烧腩仔饭 $69叉烧蜜味香浓，咁啱比左叉烧头我，成旧㶶边好正🔥脆皮烧腩仔果然名副其实，虽然唔系岩岩出炉，仲要系临收舖嘅时间，个皮都keep到脆到食落卜卜声！简直系唔简单！下次一定要试埋其他烧味！📍黄金烧味Golden BBQ湾仔轩尼诗道68号新禧大楼地下B号舖