心之食堂 (裝修中)

昨晚同朋友一齐食饭叙旧，拣咗呢间楼上日式餐厅，因为见到呢间有800+正面食评。店内不算好大，但我哋早食，可以拣坐窗口位，都坐得几舒服。店员送上ipad电子餐牌，有图对字，仲有已下单版面，方便知道我哋睇返自己叫咗什么食物，大约几多钱，这样都几贴心。有好多嘢食拣，样样都想食，最后我哋点咗好多嘢，上菜好快，放到成枱都系，要同店员要求未出嘅食物要出慢少少😄碎吞拿鱼腩军舰 (HK$48)2件军舰上嘅碎吞拿鱼腩球，大得有点过份，不过我哋食得好满足，因为超多肉，鲜甜美味😋日本空运油甘鱼刺身4片 (HK$78)大件，好厚切，鲜甜美味，好新鲜㖞😋芝士他他炸虾 (HK$58)一份有3条吉列炸虾，炸得脆口不油腻，一定要衬热食啲芝士半溶状态好好食。厚烧牛舌心 (HK$58/串)我哋本身钟意食烧牛舌，所以叫咗2串。都几厚切，烧得刚好，不会太韧。铁板豆腐 (HK$48)豆腐板烧得外脆内多汁，不会干争争。烧鸡软骨(HK$38)一份有3串，有这个份量已经几抵食，脆卜卜嘅口感，不错。烧鸡肾 (HK$38)一份有2串，烧汁调味得好好，粉嫩口感，不会干争争。蒜香烤焗茄子(HK$68)呢个要慢慢烤焗45分钟，所以是最后上枱。