蒸廬 (Plaza88)

营业中

休息中

假日既lunch time黎到，要等左一阵先有位。我地一家三口，唔算好饿，主要想饮炖汤，再试几款点心。所以最后叫左2款炖汤，4个点心，share一齐食疫后有后遗症，咳又多痰声，所以炖汤第1款拣左“10年陈皮川贝冰糖炖雪梨”，无谂过雪梨系原只上, 仲去左核酿左川贝系里面，全部汤料都可以食落肚，而且唔会似糖水咁过份甜！我将成个雪梨分开放出黎摊冻, 最后我个仔成个食晒：另外拣左“印度椰子腰果合桃炖上肉汤”，无谂过腰果合桃呢d果仁类，炖出黎口感系软身creamy，证明真系火喉十足。两款炖汤都超水准，劲足料，热辣辣咁上，钟意饮汤既话真心推介。之后到点心啦，我地叫左虾饺，烧卖，云石芝麻包同埋沙律什果明虾角。虾饺同烧卖一样系大大粒劲足料，仲系有4粒，好食过d大集团N倍。食完好满足。沙律明虾角就炸得酥脆，包住沙律酱既虾肉同什果，好清新唔会觉得油腻。云石芝麻包，个馅虽然黑黑地，但味道似白麻蓉包，都有少少流心唔会好干，都好食既，不过我个人就比较钟意黑芝麻，无咁甜的话会好d, 但我个仔就食到唔停口。整体今次食既全部菜式都好满意，服务亦都好好，小店黎讲呢间真心高汁，亦绝对有下次。