丼丼屋 (德福廣場) (已結業)

丼丼屋周围都有亦都食过好多次，但今次既惊喜令我想为佢打篇食评。午市套餐好多选择，滑蛋鸡肉饭，刺身丼，几十蚊至百几蚊不等。跟餐有汤有果茶仲有沙律送，再食埋个饭，真系够哂饱！鳗重 ($98)见到隔离枱食到津津有味我都忍唔住叫左个鳗鱼饭，一黎到见到条鳗鱼禁大条都已经好惊喜，食落去鳗鱼肉肥美少骨，配上佢香浓既鳗鱼汁，真系会令人唔小心食晒啲饭！出边平平哋买一条鳗鱼可能都要70几80蚊，呢个餐真系性价比好高！汤无乜特别我唔多讲，但系个沙律既酱酸酸甜甜十分开胃，上边仲有车厘茄粟米同蟹柳，认真唔错！