上海婆婆336 (iSQUARE國際廣場)

营业中

休息中

呢晚忽然想食小笼包，拣咗位置超方便，位于尖沙咀Isquare嘅上海婆婆。间唔中就会帮衬下佢，贪佢座位多，坐得舒服。见餐牌加咗唔少新菜式，亦有两款二人套餐供应。蟹粉赛螃蟹多士（$135）- 睇卖相已经相当吸引，布满超多蟹粉蟹皇，入面系赛螃蟹，分量十足。上菜连埋几片多士，涂上蟹粉蛋白，十分惹味，呢个用嚟送饭都一流。飘香凤梨鸡（$98）- 有少少似咕噜肉嘅变奏版，鸡件炸得非常香脆，亦好入味，配以菠萝同埋红椒，味道酸酸甜甜，够晒开胃。 336上海小笼包($46) - 每次嚟到必食，小笼包皮唔会太厚，入面注满汤汁，味道相当不错。婆婆担担面（$65）- 担担面质地好滑溜弹牙，钟意佢嘅汤底带香浓花生酱味，同埋亦带少少辣味。好多餐厅都欠缺咗花生酱味又或者过分重手，呢间就做得好好，平衡到两种口味。