影片
更多
2022-01-10
780 浏览
有朋友喺D2 Place摆市集，当然要嚟支持下，顺便就喺呢度揾食，无意中就发现呢一间喺GOLFZON入面嘅餐厅Eris’s Kitchen，晚餐做买一送一优惠，就一于试吓。 呢度系一个电脑模拟嘅哥尔夫球场，现场所见都有不少客人约埋三五知己一路打Golf一路食饭饮嘢倾偈。买一送一嘅晚餐真系几吸引，前菜同甜品都拣咗各一，可以开心share。店员首先奉上精选面包篮，系非常香脆嘅蒜蓉包，配埋餐汤食确系唔错。蕃茄芝士忌廉汤有浓浓嘅蕃茄味，因为加入咗芝士同忌廉，所以特别厚身，好有口感。我自己就比较钟意牛油果西柚沙律，而且佢仲色香味俱全，牛油果果肉非常滑，西柚嘅微酸令人觉得更开胃。主菜方面，我哋拣咗海虾海胆汁意大利面，海胆汁味道浓郁，每条扁意粉都挂上浓浓嘅意粉汁，king size嘅海虾肉质爽口，令人非常满足。因为今日想食牛扒，所以我哋都唔介意加$150叫呢个轻煎美国顶级西冷配特浓红酒汁，西冷肉味够浓郁，入面保持住粉嫩嘅肉质，配合红酒汁就更能带出西冷嘅肉味。牛扒之下仲放有薯仔块同露荀，沾上肉汁味道更佳。法式朱古力泡芙条上面放有新鲜嘅士多啤梨同蓝莓，中和咗朱古力泡芙嘅甜味。而我就特别喜欢另一甜品苹果挞
呢度系一个电脑模拟嘅哥尔夫球场，现场所见都有不少客人约埋三五知己一路打Golf一路食饭饮嘢倾偈。
买一送一嘅晚餐真系几吸引，前菜同甜品都拣咗各一，可以开心share。
店员首先奉上精选面包篮，系非常香脆嘅蒜蓉包，配埋餐汤食确系唔错。
蕃茄芝士忌廉汤有浓浓嘅蕃茄味，因为加入咗芝士同忌廉，所以特别厚身，好有口感。
我自己就比较钟意牛油果西柚沙律，而且佢仲色香味俱全，牛油果果肉非常滑，西柚嘅微酸令人觉得更开胃。
牛油果西柚沙律
10 浏览
0 赞好
0 留言
因为今日想食牛扒，所以我哋都唔介意加$150叫呢个轻煎美国顶级西冷配特浓红酒汁，西冷肉味够浓郁，入面保持住粉嫩嘅肉质，配合红酒汁就更能带出西冷嘅肉味。
轻煎美国顶级西冷配特浓红酒汁
7 浏览
0 赞好
0 留言
法式朱古力泡芙条上面放有新鲜嘅士多啤梨同蓝莓，中和咗朱古力泡芙嘅甜味。
而我就特别喜欢另一甜品苹果挞配雪糕，苹果挞啖啖充满苹果肉，暖暖嘅苹果挞之上放上冰冷嘅雪糕，非常能够刺激味蕾。
苹果挞配雪糕
9 浏览
0 赞好
0 留言
以呢个买一送一嘅价钱嚟讲，呢个质素嘅西餐确系几抵食。
张贴
