海岸扒房

营业中

休息中

高空景色，无敌海景，望住咁靓嘅风景食饭，简直就系心旷神怡，食物水准超棒。今日叫咗个牛扒同埋羊架，肉眼牛扒，非常之有牛肉味，而且够肉汁，又鲜嫩，再配上佢嘅酱汁，简直就系味道丰富，之后再食个原味加一啲盐，又有另一个味道。羊架外边有啲脆，里便好软腍腍，简直系性价比高，今日叫咗个甜品，朱古力慕丝蛋糕加朱古力雪糕，个朱古力蛋糕唔会太甜，啱啱好，个雪糕亦都好好味，入口就溶化，亦都冇冰嘅，我觉得呢度嘅食物好有水准，而且环境一流，值得推荐。交通就冇咁方便，因为附近冇地铁站，要坐巴士或者的士或者揸车嚟，服务就非常之好又有礼貌，而且好细心体贴。