顏府御膳 (已結業)

好耐无出去食晚饭，拣左食中菜，呢间系铜锣湾区嘅高级中菜厅，食精致中菜，设计带点d西式，但价钱又唔算太昂贵，得礼之选。环境入到去灯光同设计都较西式，望到枱面更有红酒，望真啲舖左枱布，样貌较西式嘅茶具餐具其实都系中菜之用，设计有心思。餐牌除左传统中菜款式，当然唔少得一啲crossover菜式，例如有慢煮牛肋排、黑豚肉等等。 鲍汁凤爪 $88份量好多，鲍汁腌至入味不至过咸，煮到好焾，唔洗点咬已经骨肉分离，做前菜啱哂。 花胶瑶柱羹 $158/位非常足料，啖啖真材实料，清甜，饮完其实都真系饱左一半。 凤梨咕噜肉伴炸云吞 $198上枱已经闻到酸甜味，估唔到又系大大份！色彩鲜艳光泽，咕噜肉炸至外层脆香，粉层不厚，肉里肉质正常，而炸云吞够哂大旧！美中不足系酸度较高，少食多滋味，否则喉糖会顶唔顺。 羊肚耳珍菌浓汤浸时蔬 $148以鸡汤烹调，味道清甜，羊肚耳珍菌十分爽口，又可索汤汁，菠菜翠绿新鲜，安排系咕噜肉后上可解酸甜之刺激。 颜府酸辣粉 $68每人一碗，酸度足够，辣度就可更高，食完唔会口渴。总括而言，同朋友/另一半想食中菜但又唔想去传统酒楼，又想叹到西餐厅格调，呢到就系好好嘅地方。