景逸軒 (已結業)

蜜椒紫薯安格斯牛柳粒（$128）虽然呢碟菜可能牛粒🐂系主角，但司令觉得紫薯🍠好值得赞下！紫薯唔一定要配鸡煲🧀呢啲奇怪既组合既！其实配安格斯牛柳粒又唔错啵，紫薯先炸过再攞去炒🔥，唔会炒到烂晒，一粒粒。咸中带甜😳，又有啲牛味，好香口！脆皮烫手乳猪半只（$338）乳猪虽然系得半只，但五六个人都绝对够食。乳猪既肉🐷非常厚！皮就真系烧到好脆💥，唔系得个硬字！味道亦都好足😜，虽然有肉地，但又唔系好多肥膏，食多少少，都冇咁大罪恶感！烧鹅皇例牌（$118）以例牌份量黎讲都几多㖞！烧鹅算系皮脆肉嫩，咬落仲有肉汁，又唔会冻冰冰，都算食得过！鲜果拔丝黑豚肉（$88）食落感觉似咕噜肉，酸酸甜甜，黑豚肉肉质比较嫩，唔会鞋，不过食多几旧有少少腻㖞。