Van Gogh SENSES (已結業)

今日下午去左尖沙嘴1881，见呢间餐厅几靓就入左去试一试。里面环境装修都好靓，同van gough个主题都好衬。而食物方面同样令人满意，首先个汤都好清，但系唔会过于清淡。至于个主菜方面我地就叫左一个烤猪柳，个猪柳有热情果同苹果酱汁，好特别，而且点落个猪柳到就更清新，猪柳本身亦一d都唔硬，好易咬。而之后就系甜品，有一个云呢拿朱古力蛋糕，唔会觉得太甜，而且texture亦都相当唔错，食完亦唔会觉得腻。最后餐饮方面我就拣左热情的乌龙茶，热情果嘅味出乎意料地同乌龙茶好夹，味道一d都唔单一。整体而言，呢间餐厅无论内里装修定系食物嘅摆设都好精致，食物亦都系好正。