饗11 (已結業)

約左朋友午餐，想係時代廣場搵間餐廳靜靜地傾下偈，見到饗11環境優雅，主打多國菜，而家仲有75折咁就試下啦。餐廳環境清幽高雅，裝修非常有格調，輕快嘅音樂令人培感輕鬆。我哋叫左兩個午市套餐🌟頭盤：廚師沙律，沙律菜非常新鮮可口，我最喜愛就係沙律汁無加任何醬汁，十分健康。🌟是日餐湯加$48升級到酥皮龍蝦湯酥皮外層焗得金黃酥脆，將酥皮打穿後龍蝦嘅香味撲鼻而來，一口下去，非常濃郁的龍蝦鮮味，十分吸引。🌟主菜：香烤澳洲羊架，芥末籽燒汁每一枝羊架肥瘦適中，脂肪分佈均勻，經過烤炙之後，羊嘅香味四溢，肉質粉嫩，一咬下去，肉汁濺在口腔，令人十分滿足。🌟主菜：香烤美國牛小排黑椒汁 牛小排份量十分足，油脂分佈均勻，厚薄適中經過煎封後，牛味十足，一咬下去，肉汁四處流淌，廚師控制火喉技巧爐火純青。餐飲：凍檸茶茶膽夠茶味，帶少少澀，配上檸檬嘅酸，竟然係正宗檸茶味，唔錯。整體係度食個午餐係美妙愉快嘅。