華小料理屋 (已結業)

人气寿喜烧餐厅😃主打日本和牛，餐厅座位非常之阔落，而且仲有间独立房可以俾人包场，入面感觉非常之和风。二人餐比较抵 $1348，一于试吓先。二人餐有齐前菜、串烧、寿喜烧、野菜拼盘同甜品。冷盘前菜三点三文鱼刺身中规中矩😃都属于新鲜嘅，汁煮蚝几大只，蚝味浓郁。鸭胸肉味比较浓，几有咬口。串烧拼盘整体感觉都几正，有齐鸡翼、免治鸡肉、冬菇、五花腩。最好食系免治鸡肉，因为入面有啲软骨食落去有咬口，配上甜甜地嘅酱汁，好好食。火炙和牛 切到成座山，咁样已经好靓乙和牛本身已经好吸引，经过轻轻火炙，味道更加出，配上酸汁轻轻中和返。终于到咗，最吸引嘅寿喜烧☺️职员会问大家想食重口味定淡口味，太耐冇食寿喜烧，我哋拣咗重口味。因为每落一次牛，就会加一次酱汁，所以味道可能会好浓。套餐包咗佐贺A5和牛，分别系牛青椒（牛肩)＋大三角。牛青椒大约系手争位置，细细片肉味重。职员会同时煮洋葱、京葱，中和和牛油份。大三角相对大片，油脂纹理更鲜明，超香牛味，配上皇帝菜食。由于已加了好几次酱汁，所以比较甜，可以蘸上蛋浆平衡味道。最后剩低乌冬、杂菜，大满足。甜品牛乳布丁，奶味重但唔太甜，好好食。