西餐大排檔 (已結業)

今晚黎到呢间西餐大排档，个名好特别，西餐同大排档混合。环境相当优美，气氛好有情调我地坐得好舒服。率先登场嘅系海鲜拼盘，两只生蚝啖啖肉，啖啖汁，好鲜味，配埋蒜汁，更能够将鲜味带出。其他都好好味，有鲍鱼，鲜虾，圣子，中有一只系秘制蜜汁打捞出黎嘅刺身带子，成个配套都好靓，而且味道好好。松露磨菇汤真系货真价实，成碗都系菇，每饮一啖都有浓浓嘅磨菇香味，成口都系满满嘅磨菇，加上口感滑溜，值得推介。牛油餐包好脆口，外脆内软，可以配埋牛油一齐食，热热嘅餐包将牛油溶化左，渗入小餐包，滋味更上一层楼。我嘅正餐出场啦！呢个名为白汁蟹肉焗海鲜望落系未好吸引呢？各样嘅海鲜大集会，有大大粒香滑带子，好似食绵花糖咁柔软，有剥左皮嘅虾配埋佢嘅酱汁，味道好夹，中有鲍鱼，一d都唔韧，好入口，其他嘅配料都好好食，薯仔吸收左酱汁，所以特别好味，萝卜都好鲜甜。最后就有是日甜品，细细件cake好精致，好可爱，隔离有甜甜嘅士多啤梨同蓝莓，呢件cake真系好好食，口感柔软，而且中有粒粒果肉系件cake中间，细细件，过下牙瘾之余又唔会太饱。香滑奶茶，自己加淡奶同埋糖，我自己唔加糖味道已经唔错，good!