西餐大排檔 (已結業)

大排档，当大家一听到呢三个字，就会好自然咁谂起街边好有镬气𠮶啲大排档；但系如果将大排档再加埋西餐，会系啲咩呢？答案就系西餐大排档啦！友人今次带我去呢间位于铜锣湾登龙街嘅「西餐大排档」，呢间大排档好特别，因为系楼上嘅餐厅，唔系一间大排档，而呢间大排档亦都令我留下啲几好嘅印象。首先，系地方干净阔落，完全唔系大排档咁，又光猛，又有电视睇。之后，再睇下有咩食，呢度虽然冇大排档嘅镬气小炒，不过都有几高级嘅西餐食。友人同我分别叫咗一个套餐，我呢个无肉不欢嘅人一定叫牛肉，所以呢个美国烧牛肉眼餐一定走唔甩；而友人就试咗个烧纽西兰羊鞍餐。主菜嚟之前先试试餐汤，个松露蘑菇汤要赞下，除咗足料之外，松露味又香又浓，令我饮完想再饮呀！我朋友就叫咗另一个牛腩罗宋汤，佢就话有少少辣，不过整体都可以接受。到主菜美国牛肉眼排啦，我就叫咗七成熟，牛排好大块，而且烧到啱啱好，唔会过熟，再加埋啲烧汁一齐食，好正呀！至于个烧纽西兰羊鞍，冇膻味，好稔，仲配埋两种唔同嘅酱汁，芥末酱同果酱，食落几清新。嚵食嘅我梗系食埋个是日甜品！大家不妨试试呢间特别嘅大排档啦！