山頂采蝶軒 (已結業)

机缘下哩到山顶嘅采蝶轩一尝高级中菜，加埋熨贴嘅服务同舒适嘅环境（可能因为闲日晚市唔多人），仲有夜景睇，（虽然睇唔得晒成个夜景），都好满足啦！虽然菜肴份量好足，用料唔差，煮法有心思，但始终系得山顶，收费都唔平，要有D心理准备。整体哩讲，𩠌菜都颇有水准，但唔系道道菜都咁有惊喜！不过，其中都有几款菜系甚得小弟欢心。 金银明虾球，「金」就系脆炸虾球，粉浆够薄够脆，虾球做得够弹牙，食落又唔会一旧粉，仲配咗两款酱：甜酸酱同沙律酱，中和咗感觉无咁热气；「银」就玻璃虾球，大大只虾球有睇头，炒得啱好，好爽口，献汁唔过杰，好好食！玉树麒麟斑，方便鬼佬食嘅鱼鲜，点解？师傅将星斑起肉，隔住一片金华火腿、一片冬菇哩蒸，无晒骨，唔怕哽亲！斑片有火腿咸香，又有冬菇鲜香，唯独是系咸咗D！炖汤都唔错，川贝海底椰炖白肺，原窝清炖，汤渣放晒上碟，高清睇真，真材实料，又有川贝，又有海底椰，够晒滋补啦！饮落，清润，润喉，饮完要再整多碗先。 招牌菜：京烤骨，一大旧猪肋骨配以糖醋、蚝油炆煮，有D似东玻肉，不过无咁肥，只系表面一少层肥膏，炆得松化入味。仲有，跟炸迷你馒头， D馒头细细个，表面炸得啱啱好，外脆内软，沾上酱汁同吃，唔晒嘥