三希樓 (已結業)

家庭聚餐，今次拣左爸爸钟意食嘅川菜。三希楼明显系高档次餐厅，就咁睇佢摆位嘅密度就知道，超宽敞！事不而迟，食川菜一定要食辣嘢，我今日叫咗七𩠌一汤。因为太多嘢想食，所以无叫到前菜。首先饮番个杏汁白肺汤先。汤底清甜，感觉都好滋润。麻婆豆腐呢类小菜先最难煮得好，用左比较滑身既豆腐，食落够香味，唔系好辣。干煸四季豆都系一般川菜餐厅会叫嘅食物。因为有人唔食辣，所以拣左呢个鸡汁烩大白菜。其实同平时煮菜差唔多，因为菜系必须品，所以无乜特别评论好食定唔好食……只可以话唔难食。呢个鸡油花雕虾兵蟹将系waiter推介的，话系用靓花雕整。一上菜就闻到啲花雕味，又真系好香，不过唔钟意酒味嘅人就自己回避下。虾蟹同蚬都好鲜甜，如果可以自动波上埋个蟹钳就更加细心喇。跟住仲食左个铜盘家乡五指毛桃蒸滑鸡。我觉得只鸡系好食嘅，够滑，弹牙，入味。不过无哗一声嘅感觉。戏肉到喇。干锅鲜田鸡，下面仲有个火热住啲食物。田鸡好滑，麻、辣、香味都调节得十分之优秀。如果田鸡嘅份量可以多少少就好喇。最后到呢个超大嘅鸳鸯剢椒蒸大鱼头。首先我唔知点解有只鱼个头可以咁大……食落多肉，蒸到啱啱好，肉质滑唔鞋口，两边用左唔同椒，两种风味，红色偏香辣，