影片
更多
2023-01-23
445 浏览
餐厅：The Italian Club Seafood Wine Bar (中环)地址：中环苏豪伊利近街32号地舖中环苏豪区呢间The Italian Club Seafood Wine Bar @theitalianclubhongkong 喺2022年10月开，佢哋主打高级意大利海鲜菜式🇮🇹。由意大利西南部嘅卡普里(Carpi)到东北部嘅威尼斯(Venezia)，撒丁大区嘅卡洛福泰(Carlo Forte)到西西里岛嘅马扎拉-德尔瓦洛(Mazara del Vallo)，嚟呢度食饭餐厅大厨将会带你体验晒成个意大利最传统最有特色嘅海鲜美食😋餐厅只喺晚上营业，全场得24个座位，每60日就会推出一个新Menu，可以拣course Menu或者A La Carte，每过一段时间过嚟都可以有个全新体验😎，餐厅仲严选各国尤其意大利嘅新鲜食材，确保你可以品尝最优质嘅餐饮体验。餐厅嘅装修喺由法拉利设计建筑公司Pininfarina所构思，简约而高贵、雅致而不俗，令人入到嚟有一份赞叹不绝嘅感觉🤩叫咗个5-Course Tasting Menu，包括前菜、意粉、主食、伴菜同甜品。喺40几款食物入面拣完
地址：中环苏豪伊利近街32号地舖
中环苏豪区呢间The Italian Club Seafood Wine Bar @theitalianclubhongkong 喺2022年10月开，佢哋主打高级意大利海鲜菜式🇮🇹。由意大利西南部嘅卡普里(Carpi)到东北部嘅威尼斯(Venezia)，撒丁大区嘅卡洛福泰(Carlo Forte)到西西里岛嘅马扎拉-德尔瓦洛(Mazara del Vallo)，嚟呢度食饭餐厅大厨将会带你体验晒成个意大利最传统最有特色嘅海鲜美食😋
餐厅只喺晚上营业，全场得24个座位，每60日就会推出一个新Menu，可以拣course Menu或者A La Carte，每过一段时间过嚟都可以有个全新体验😎，餐厅仲严选各国尤其意大利嘅新鲜食材，确保你可以品尝最优质嘅餐饮体验。餐厅嘅装修喺由法拉利设计建筑公司Pininfarina所构思，简约而高贵、雅致而不俗，令人入到嚟有一份赞叹不绝嘅感觉🤩
叫咗个5-Course Tasting Menu，包括前菜、意粉、主食、伴菜同甜品。喺40几款食物入面拣完想食嘅嘢，
店员就送上自家制嘅意大利面包Focaccia🥖，
配埋酿制咗分别12、25同50年嘅Bonini传纯意大利摩德纳黑醋，另外加上巴马臣芝士同特级初榨橄榄油，放喺别致特制嘅器皿餐具上面，为今餐打响头泡🎉
先嚟两个前菜：西班牙蓝鳍吞拿鱼腩他他[Spanish Blue Fin Tuna Belly Tartare]配上沙律菜🥗，加埋特级初榨橄榄油同柠檬汁一齐食🍋，鲜味十足，附送嘅他他仲加埋纯24K金箔，显得更加高贵😍；
意大利风干生牛肉薄片[Beef Bresaola Valtellina IP Carpaccio, Rocket Salad, Parmigiano 24 Month]有7大片，面头铺满火箭菜同意大利芝士之王——发酵咗24个月嘅帕尔玛芝士🧀，饮埋杯清新有阵阵果香、非常易入口嘅餐前Champagne——Beatrix de Gimbres Brut Terroir Premier Cru就一流🥂
意粉叫咗个[Spaghetti Tomato Red Prawn Mazara del Vallo]同[Rigatoni Traditional Carbonara]，前者用咗意大利直送嘅鲜甜西西里红虾切成碎🦐，加上蕃茄酱🥫、蒜🧄、 辣椒片去炒香，酸甜到位，带有微辣口感🌶；
再嚟正宗卡邦尼意粉，用咗好似通心粉嘅管状面条Rigatoni，坑纹嘅表面同中空部份令面条更吸巴马臣芝士同蛋黄汁嘅味道💦，加上一啲忌廉都无用，食落唔会腻，Rigatoni整成「Al dente」，亦即喺半生熟得嚟弹牙有咬口嘅口感，当然唔少得粒粒咸香嘅风干猪面颊肉🐷，虽然个人觉得咸咗少少但真喺好惹味食唔停口🤤。最重要喺装意粉嘅碟喺焗至高温🔥，令意粉出到嚟一段时间都仲喺热辣辣👍
主食拣咗烤焗日本油甘鱼扒[200g Hamachi Japan Fillet Gratin Oven Baked]，面头有粒粒脆芝士同面包糠，食落香口，切开里面见到嫩滑鲜味嘅油甘鱼肉，一啲都唔腥，比起我哋平时食开嘅油甘鱼刺身更有一种风味同特色😚；
另一道主食喺意大利牛神Fassona beef西冷牛扒[250g Fassona Beef Grilled Sirloin]，纯天然生长嘅Fassona beef被誉为世界三大牛之一，皮下脂肪少而且肉质好厚，入口异常细嫩，叫咗五成熟啱啱好，其实就咁食已经好出色，反而加多咗调味料令肉香有少少被盖过咗🤪。
连埋两道伴菜：[Potato & Asparagus]同埋[Italian Garden Salad]一齐食就够晒丰富饱肚🤓
食到最后点少得餐厅全自家制嘅甜品拼盘，当中有老板妈妈独门秘方、加咗咖啡粉同24K金箔嘅Tiramisu；幼滑得嚟带有蓝莓香🫐、不过奶味可以再浓啲嘅Blueberry panna cotta；两款分别加咗开心果同Ricotta cheese🧀，仲有榛子朱古力酱嘅奶油甜馅煎饼卷，不过可能放咗喺雪柜一段时间，饼卷有少少冧咗；另外仲有4款特色朱古力：杏仁白朱古力、 意大利黑醋酒心朱古力、榛子黑朱古力同个人觉得有啲似药水味嘅黑莓朱古力🍫，
配埋杯Dessert Wine真喺几满足🥰
张贴
