我愛慢煮 (普慶坊) (已結業)

假日最钟意系上环一带游走揾食，炎炎夏日终于黎到我爱慢煮。地理位置真系比较偏僻，都要揾左一段时间先揾到。坐低一望餐牌，慢煮肉类嘅种类非常多，我地点左一个慢煮36小时纽西兰牛面肉。切落去已经觉得非常多汁嫩滑，食落味道非常浓郁。另外再点左一个猪仔骨，我自己觉得呢个更加优胜，慢煮时间啱啱好，肉质仍然呈现淡粉红色。有慢煮肉点可以冇side dishes呢？我哋再点左个黑松露蕃薯条，不得了完全停吾到口，非常足料黑松露酱真系想黎多一客。整体感觉都不错，唯独地理位置就比较不方便。