焱手工涮涮鍋 (已結業)

高质打边炉平时同一大班男仔食打边炉，大家就会起势咁食啲肥牛，冇乜质素可言，但求食饱。今次同几个闺蜜，黎呢间打边炉试吓，简直系前所未有嘅滋味同埋服务。我哋坐喺个卡位度，先有一大堆酱料任你拣，自己调配。然后又有好养生嘅汤底，最适合我哋几个中女。佢嘅打边炉食物卖相亦非常好，直头系赏心悦目：冰镇嘅蟹棒、方块型嘅猪红、开晒花嘅肥牛，一路食一路要影相留念添呀！味道方面，高级嘅价钱，当然有高级嘅味道。如果大家想静静地咁打边炉，唔使好似酒楼咁嘈，就可以拣呢度！