京都勝牛 (MONTEREY Place) (已結業)

今日因工作关系难得路经将军澳，去咗个新商场澳南海岸见到有间食日本🇯🇵炸物都几有特色 - 京都胜牛。坐得舒适而且人不多，职员服务态度好，店内木饰面加日式小摆设，充满日式风格。有个享用炸牛扒教学，当然唔少得点招牌菜，点左个京都胜牛三味套餐，加多个特选海产套餐京都胜牛三味系由牛不同部位组成 (翼板，菲力及薄片酱味牛) 我最钟意食后者，因为本身牛都已有鲜味，肉质好有口感，加埋少少酱汁又薄身，好juicy。特选海产套餐 - 包含两只大海虾🦐好大只啖啖肉，仲有两只生蚝加鳗鱼，呢个系好吸引，仲要点埋唔同嘅酱汁好有特色。但系全部都系炸物，食完都觉得有啲热气。柚子茶及芒果奇异果特饮见隔离枱有饮，于是我贪得意叫两杯嚟饮，个样睇落唔错不过其实饮落就不过不失啦，如果食炸物去饮都其实几夹架，中和一下热气。