綠楊軒

营业中

休息中

朋友邀请，到黄泥涌峡道香港木球会嘅中餐厅食晚饭。呢间会所成立咗百几年，之前喺中环，近呢50年先移迁到呢度。会内好多体育设施，不过全部都系只供会员享用。讲番今晚餐饭先，老友先叫咗椒盐白饭鱼、椒盐鲜鱿同素鹅，再加支白酒慢慢叹。几样𩠌嚟到都外脆内软，粉酱又唔厚，唔错。跟住嚟窝砂锅云吞鸡，份量唔小，每人有成两、三碗，有黄芽白同金华火腿，味道香浓。再加碟菠萝咕噜肉，呢样都系厨师介绍，真系几好。最后嚟多碟炸馒头，当系主食或者甜品都可以。食物质素非常高，拍得住外面酒店级水准，部长服务亦系无得顶，可能系会所关系。已经同朋友讲好，睇吓佢几时得闲又约我嚟呢度食过。