新泰東南亞餐廳 (太子集團中心) (已結業)

新泰系尖沙咀都有两间分店，今次拣咗喺太子大厦𠮶间食饭。晚市都几多人，不过好彩book咗位。餐厅食物嘅种类非常之多，除咗一般传统泰式嘅食物之外，仲有啲融合咗其他元素嘅菜式。价钱都几平民，唔算话好贵。前菜分别叫咗个泰式柚子虾沙律同埋香芒软壳蟹米纸卷。两个食落去嘅味道都非常之好，柚子味道好甜，虾非常之大只咬落去好有口感。调味非常之开胃。至于个香芒软壳蟹米纸卷因为入边包咗好多青菜令到成个米子卷嘅口感增加自之余仲有淡淡的香芒甜味。然后叫咗个串烧，味道感觉唔错，亦都烧得唔会太干身，都叫做值得一试。而主食类我哋叫咗个日本南瓜焗海鲜饭，呢个饭令我哋为成餐饭大大加分，南瓜非常之香甜配搭埋浓厚嘅芝士，而海鲜嘅份量亦都多得惊人，一路食仲可以将南瓜肉同饭搅拌。性价比非常之高。至于甜品同饮品我哋分别叫咗芒果糯米饭，番石榴沙冰同埋珍多冰。为呢餐饭圆满咁画上句号。