影片
更多
2024-12-07
922 浏览
一间拥有靓海景既海港城京菜馆, 除左室内有落地玻璃睇到维港景色之外, 仲有户外位置, 可以一边欣赏夜景一边食餐厅既招牌片皮鸭. 🍽️ 驰名烤鸭 半只 $388师傅片紧皮既时候已经见到只鸭烧得好靓仔, 表皮油光十足,好吸引. 餐厅将片皮鸭分成三部分, 包括鸭胸皮、鸭胸肉、鸭腿肉, 每部分都可以配搭不同配料, 有多种不同食法.⭐️ 鸭胸皮系最有特式既一部分, 因为可以用嚟蘸餐厅附送既爆炸糖同蓝莓酱, 爆炸糖同脆卜卜既鸭皮意外地夹, 口感非常特别⭐️ 鸭胸肉可以蘸餐厅特调既黄芥末, 入口酸中带甜, 又唔会盖过胸肉原有既味道. 鸭腿肉则可以跟返传统食法, 包薄饼再加入甜面酱、京葱丝等, 更食到片皮鸭既肉汁同精华.🍽️ 砖炉叉烧 $228份量超多, 3-4人都绝对够食, 叉烧肥瘦均匀, 肉质唔干唔柴, 而且够哂入味, 蜜汁挂系叉烧上面, 味道香甜.🍽️黑松露烟熏鹅肝 $308开盖之后飘出一阵香浓既烟熏味, 鹅肝口感顺滑, 配搭面头既黑松露, 入口香而不腻.🍽️ 张氏狮子头 $48/位 肉香味十足, 而且肉丸亦都唔会一夹就散开, 肉汁锁系肉丸入面, 入口够哂juicy.🍽️ 羲和小肉饼 $68肉饼上插住装有陈醋
一间拥有靓海景既海港城京菜馆, 除左室内有落地玻璃睇到维港景色之外, 仲有户外位置, 可以一边欣赏夜景一边食餐厅既招牌片皮鸭.
🍽️ 驰名烤鸭 半只 $388
师傅片紧皮既时候已经见到只鸭烧得好靓仔, 表皮油光十足,好吸引. 餐厅将片皮鸭分成三部分, 包括鸭胸皮、鸭胸肉、鸭腿肉, 每部分都可以配搭不同配料, 有多种不同食法.
⭐️ 鸭胸皮系最有特式既一部分, 因为可以用嚟蘸餐厅附送既爆炸糖同蓝莓酱, 爆炸糖同脆卜卜既鸭皮意外地夹, 口感非常特别
⭐️ 鸭胸肉可以蘸餐厅特调既黄芥末, 入口酸中带甜, 又唔会盖过胸肉原有既味道. 鸭腿肉则可以跟返传统食法, 包薄饼再加入甜面酱、京葱丝等, 更食到片皮鸭既肉汁同精华.
🍽️ 砖炉叉烧 $228
份量超多, 3-4人都绝对够食, 叉烧肥瘦均匀, 肉质唔干唔柴, 而且够哂入味, 蜜汁挂系叉烧上面, 味道香甜.
🍽️黑松露烟熏鹅肝 $308
开盖之后飘出一阵香浓既烟熏味, 鹅肝口感顺滑, 配搭面头既黑松露, 入口香而不腻.
🍽️ 张氏狮子头 $48/位
肉香味十足, 而且肉丸亦都唔会一夹就散开, 肉汁锁系肉丸入面, 入口够哂juicy.
🍽️ 羲和小肉饼 $68
肉饼上插住装有陈醋既胶管, 可以按自己喜欢将醋加入肉饼中, 肉饼一层包住一层, 中间仲食到小小姜粒, 口感丰富.
🍽️ 生煎锅贴 $98
煎得香脆, 锅贴皮唔会太厚, 馅料饱满, 仲有丰富肉汁.
张贴
