吞POT 雞煲火鍋.住家菜 (山林道) (已結業)

同Mr. R试完婚纱后，去食鸡煲庆祝吓！呢间鸡煲喺油尖旺都有唔少分店，我哋今次去嘅系山林道哩间分店～铺头有七款鸡煲可以选择。另外，除咗鸡煲之外，仲可以选择直接打边炉，而打边炉都有七款汤底选择。我哋就梗系拣佢推荐嘅「滋润螺片花胶鸡煲」～果然冇令人失望，鸡汤味浓（味道类似去酒楼食翅时嘅上汤）、花胶大大块（入面有两款花胶，一款胶质重啲，一款肉味浓啲），而且螺片同鸡肉鲜甜嫩滑（唔系用返汤渣）。*温馨提示（一）：鸡煲嚟到嘅时候，可以试吓饮鸡汤先！我同Mr. R饮咗最少4碗。值得赞嘅系，佢嘅鸡汤可以无限任加～哩款花胶嘅胶质比较重。好味！另外，我哋仲叫咗「十全大宝丸」，可以食晒舖头五款特色嘅手打丸，包括：手打生拆蟹粉墨鱼丸、手打黑松露墨鱼丸、手打黄金海胆黑墨丸、手打香煎鹅肝虾丸、手打芝心牛丸。食过咁多款丸之后，Mr. R同我一致认同最难忘系「手打香煎鹅肝虾丸」，香滑嘅鹅肝味系口腔久久不散，实在Yummy!**温馨提示（二）：丸要趁热食，特别系蟹粉墨鱼丸，热嘅时候佢入边嘅汁先有爆酱嘅效果！另一方面，又要小心烫嘴！需要清水嘅话，要同待应讲，佢就会拎俾你。