憶食尚臘味煲仔飯 (已結業)

之前行过俾佢门面吸引，话下次一定要黎食煲仔饭，点知我隔左冇耐，有朋自远方来，梗系带佢去食下啦！今日黎到冇咩人，可能夏天？🤪 冇乜人食煲仔饭，都好既，我唔太想等位！同朋友睇完菜牌，决定散叫！叫左两杯柠檬薏米水，几好！唔甜！之后叫左四季豆平煸鸡脾菇，呢个几好！又唔油！浓味，要黎送饭几好！之后黎到都要试下佢既腊肠，侍应姐姐推荐我地叫孖宝，可以试下佢既四川口味，我就唔多岩架喇！朋友话好好食，仲买左一斤番去 🤣之后系 煎腌海鲳鱼，呢个我地大爱呀！煎得好香口，半条...唔够喉！咸鲜好正！送饭一流 👍🏻朋友突然转态话要食荷叶梅菜黑毛猪肉饼饭，个梅菜好香，个猪肉饼都好弹牙 😋最后食埋个紫米露，饱哂 😋