粵藝館 (時代廣場)

营业中

休息中

之前喺Times Square购物然后换咗一堆美食消费券，消费满$400就可以用两张$100优惠券两张🤩。而自己一直想试Times Square几间餐厅，其中包括粤艺馆，今日决定用商场嘅美食消费券去试试粤艺馆嘅天下第一猪。麒艺馆楼底超高，令客人毫无压逼感。另外装潢有别一般中菜餐厅既传统气息，麒艺馆装潢时尚，充满活力。从茗茶已经可以感受餐厅既专业程度，茗茶多达五种，我地拣左杭州胎菊。- 鲣鱼醉鲍鱼前菜用既鲍鱼一啲都唔细只，爽口弹牙，加左酒同鲣鱼别有一番风味。- 瓦𦉘啫啫唐山菜唐山菜非常爽脆，用左虾酱炒非常惹味，入面仲有大量肉碎同虾米。不过味道略嫌太咸，同埋煲底仲有好多汁，唔够干身。- 不时不炖汤炖汤入面有金华火腿、花胶、瘦内等等，材料丰富，味道清甜滋补。第一次见到咁薄身既金华火腿，切到好似巴马火腿咁！- 花胶天白菇菜胆花胶好大片，大到要用剪刀剪开四份先食到。天白菇好厚肉，菜胆亦好清甜。- 金沙凤尾虾锅巴相信设计理念应该系来自虾多士🤣。凤尾虾鲜甜爽口，沾满咸蛋王金沙更加惹味，再配上配上脆卜卜既锅巴，整体味道比虾多士有过之无不及👍🏻- 一蟹两艺一蟹两艺指皇室焗酿蟹盖同炸软壳蟹伴陈醋野菜沙律。