影片
更多
2020-02-12
532 浏览
呢日去铜锣湾揾旧老板兼学长聚聚，佢又带我去食好西了🙈。上到去时代广场十楼，就见到麒艺馆喇。玻璃入面听讲好似夜晚会有个师傅烧乳猪🤔。餐厅环境好有气派，座位非常阔落，✨灯光亦都好靓。望落好似有唔少包箱座位。望下个餐牌先，有啲套餐拣，但我哋想食点心同烧味，所以散叫！仲见到枱头有个牌写住有午市超值孖宝，承惠$88就有鲍汁花胶捞饭同即烧无花菓天下第一猪(3件)。的确系几抵😜，因为个饭本身都唔平。鲍汁花胶捞饭(原价$188)，个饭真系好奢华🙈，用料有好多花胶丝同瑶柱丝，上面仲有好多木鱼，好多𩠌好多汁，𩠌仲多过饭🍚！即烧无花菓天下第一猪(3件)(原价$94)，🐷乳猪件好脆好正，而且一件有平日两件咁大，唔会唔够喉。无花菓极品黑叉烧($138)，叉烧同平日嘅造型唔同，有8粒。我觉得个样似东玻肉粒多啲🙈，个汁用上无花菓酱取代烧汁，配埋侧边嘅鱼子酱食，富有创意。但我自己钟意食传统𠮶只多啲😝，食惯咗。原只鲍鱼花胶挞($48/件)，呢个挞不得了，上面只鲍鱼好好味，一啲都唔韧，夹埋下面嚿花胶挞食一流😋，而且挞皮好松脆。晶莹笋尖虾饺皇(3件)($58)，🍤虾饺大大只，个皮整得唔错。大地鱼末烧卖(3件)($48)，烧
玻璃入面听讲好似夜晚会有个师傅烧乳猪🤔。
餐厅环境好有气派，座位非常阔落，✨灯光亦都好靓。望落好似有唔少包箱座位。
望下个餐牌先，有啲套餐拣，但我哋想食点心同烧味，所以散叫！仲见到枱头有个牌写住有午市超值孖宝，承惠$88就有鲍汁花胶捞饭同即烧无花菓天下第一猪(3件)。的确系几抵😜，因为个饭本身都唔平。
鲍汁花胶捞饭(原价$188)，个饭真系好奢华🙈，用料有好多花胶丝同瑶柱丝，上面仲有好多木鱼，好多𩠌好多汁，𩠌仲多过饭🍚！
即烧无花菓天下第一猪(3件)(原价$94)，🐷乳猪件好脆好正，而且一件有平日两件咁大，唔会唔够喉。
无花菓极品黑叉烧($138)，叉烧同平日嘅造型唔同，有8粒。我觉得个样似东玻肉粒多啲🙈，个汁用上无花菓酱取代烧汁，配埋侧边嘅鱼子酱食，富有创意。但我自己钟意食传统𠮶只多啲😝，食惯咗。
原只鲍鱼花胶挞($48/件)，呢个挞不得了，上面只鲍鱼好好味，一啲都唔韧，夹埋下面嚿花胶挞食一流😋，而且挞皮好松脆。
晶莹笋尖虾饺皇(3件)($58)，🍤虾饺大大只，个皮整得唔错。
大地鱼末烧卖(3件)($48)，烧卖同样大大粒，有大大嚿虾肉🦐，无肥猪肉，口味亦比较健康吧。
茗茶一位$20，我哋要咗桂花乌龙🍵。
总括嚟讲，呢次嘅高级精品粤菜点心餐🥢体验能够让我一尝创意料理。价格定位属高档次，但的确环境同食材都配得起呢个价钱，过时过节一班人想食好啲可以嚟试下。环境真系好舒服，适合同朋友倾下计，无平日酒楼咁嘈啊。
张贴
