顏府御膳 (已結業)

平时去酒楼食中菜都会觉得比较嘈，今日嚟呢间铜锣湾利苑对面嘅高级中菜馆环境气氛好似食紧西餐fine dining，装修结合现代同古典风格，型格得来又不失传统中式风味。环境干净企理，座位非常舒适，服务员衣着整齐，形象专业，服务态度殷勤，会主动帮客人添茶。我哋拣咗菊花茶，有清香嘅菊花香味；前菜有琥珀合桃同自家制XO酱，琥珀合桃好香脆，有微微嘅无香味；自家制XO酱好香好惹味，好想即刻叫碗白饭捞来食😋三色素鹅卖相好精致，木耳，萝卜，莴笋切丝用腐皮包住，腐皮豆香味浓，好丝滑，配上爽口木耳，清甜莴笋，爽脆萝卜非常清新。尖椒皮蛋份量都几多，皮蛋晶莹剔透，配上惹味尖椒，少少辣多多麻香。砂锅XO酱虾干肉碎芥兰砂锅上热辣辣好有镬气，一打开个盖已经闻到好香嘅虾干同XO酱味，芥兰好爽脆，虾干咸虾味浓郁，再加肉碎爆香，少少辣好香，捞饭食一流。姜米蛋白炒饭虽然睇落去简单，干瑶柱丝好香，蛋白好滑，炒饭炒到粒粒分明，干湿分明，每一啖饭都好香。八珍老姜一口黑豚肉同一般咕噜肉唔同，黑豚肉爆得好香，加咗八珍甜醋同老姜味道好似姜醋，酸酸甜甜好开胃。宫廷玉玺呢个系红枣糕，加咗金箔显得份外矜贵，味道有红枣嘅香甜，甜度适中，口感烟烟