影片
更多
2020-07-21
2559 浏览
位于中环美利酒店嘅The Tai Pan，主打卖相精致嘅高级西餐，虽然讲就系高级西餐，但价钱非常相宜，Lunch Set或Dinner Set由$400至$1000不等，视乎你食几多道菜同埋想食咩食材。小妹食呢间餐厅亦都系因为Book咗酒店嘅Staycation(二人价值$3300)，呢餐晚餐系包埋喺入面，有四道菜。前菜方面，小妹同朋友嗌咗龙虾沙律同蟹肉意大利饭，前者系凯撒沙律上加上足一只嘅波士顿龙虾，龙虾肉新鲜弹牙；后者系捞满蟹肉嘅意十利饭，但份量有啲多，细食嘅女仔可能食完就饱。餐汤方面分别系粟米浓汤同意大利云吞配牛骨汤，前者香甜浓郁，后者清新丰润。主菜方面，一个系猪鞍，一个系煎鲈鱼，水准之上。甜品较惊喜，「黑森林」居然系份子料理形式嘅甜品，朱古力雪葩、红桑子雪葩、原粒车厘子分开上，摆埋一齐食就系朱古力黑森林嘅味道，但分开食又好有趣。苹果金宝非常香脆，但雪糕用咗核桃雪糕，较为抢味，如果用返云呢嗱雪糕会更好！个Package仲包咗呢间餐厅嘅早餐同另一间餐厅Popinjays嘅下午茶Tea Set，早餐系半自助式，主菜方面中、西式任嗌，只要你食到几多，就可以嗌几多，食物系同一个厨房出品，
前菜方面，小妹同朋友嗌咗龙虾沙律同蟹肉意大利饭，前者系凯撒沙律上加上足一只嘅波士顿龙虾，龙虾肉新鲜弹牙；后者系捞满蟹肉嘅意十利饭，但份量有啲多，细食嘅女仔可能食完就饱。
餐汤方面分别系粟米浓汤同意大利云吞配牛骨汤，前者香甜浓郁，后者清新丰润。
主菜方面，一个系猪鞍，一个系煎鲈鱼，水准之上。
甜品较惊喜，「黑森林」居然系份子料理形式嘅甜品，朱古力雪葩、红桑子雪葩、原粒车厘子分开上，摆埋一齐食就系朱古力黑森林嘅味道，但分开食又好有趣。
苹果金宝非常香脆，但雪糕用咗核桃雪糕，较为抢味，如果用返云呢嗱雪糕会更好！
个Package仲包咗呢间餐厅嘅早餐同另一间餐厅Popinjays嘅下午茶Tea Set，早餐系半自助式，主菜方面中、西式任嗌，只要你食到几多，就可以嗌几多，食物系同一个厨房出品，一样冇得输。至于下午茶就待下面介绍。
张贴
