AGE Cuisine Express (已搬遷) 新店位置

今日过开鲗鱼涌揾朋友做嘢，夜晚做完嘢佢话去工厦区食牛朳，以为我会好出奇，好大反应！我讲笑咁讲，工厦食嘢我真喺好熟都习惯哂，但多数都喺观塘区。虽然工厦区食惯食熟，但就真系冇谂过依个风气发展到鲗鱼涌！原来依间餐厅，提供堂食之余，仲会有用 slow cook 煮至半熟嘅 package 攞出去卖，提供个机会俾繁忙嘅香港人喺屋企煮饭食！见个 menu 咁多选择，我自己真喺唔识拣！唯有是但叫我钟意食《安格斯肉眼扒伴红酒牛肉汁》，我老友就叫咗《德国酥脆咸猪手伴普罗旺斯式酸菜及薄荷蕃茄汁》。偷嘢食都已经喺习惯，朋友叫嘅猪手真喺超松化，外皮香脆，内里好有口感，食到猪手嘅原味，相占依个就 slow cook 神奇之处！但最欣赏喺啲配菜，酸得又唔“确喉”，非常嘢味，简直喺食欲大增！我自己叫嘅牛扒，真喺超 juticy，劲多肉汁！真喺想知师傅点样做！虽然都有八成熟，但唔干身，亦非常弹牙，而且老土讲句，真喺牛有牛味啰，总之超正！依餐 total 446 蚊，喺工厦食嘢算系颇贵，但试过后真喺物有所值！