皇后飯店 (已結業)

话说同老婆去又一城睇早场兼行街街，睇完戏有啲肚饿揾野食就黎到呢到。呢间野食果啲都系茶仔野，但就系老式啲，服务好啲同环境好啲。叫左两个饭餐同一个沙律。个餐包汤同包，个包就普通包。碗汤都几好饮，牛味同茄味都浓，兼且啲菜都丰富过茶仔。跟住黎一个叫俄罗斯沙律。个沙律就系啲coldcut放系啲杂菜沙律到。讲真，五十年前可能好正，但呢个年代真系无特别，或者系食个情怀。白汁鸡皇饭，个汁几浓有牛油香，有好多菇。鸡肉都多都滑，但就好淋。杯冻奶茶系老式扒房或者西餐嘅细杯装，饮两啖无，同好普通。整体似乎系有钱佬想食茶餐厅野先食，我地日日食茶仔嘅人真系唔洗特别去，但干净同服务好就真嘅。