影片
更多
2016-03-20
1911 浏览
同表妹在圆方睇完戏，一齐食个下午茶，呢间餐厅一直想试，因为觉得好高级，好淑女，佢个下午茶好靓！店员话无得订位，只可以够钟就到门口等位！当时未够钟食下午茶，逛街逛到够钟再到门口！幸运可以即刻入座！ 坐在店内中间二人枱，白色枱布加金碧辉煌嘅欧洲式装修！最好嘅装饰系墙上彩色嘅茶罐，店员会招呼我坐低，帮我哋舖上餐巾！餐牌全英文，食物款式唔多，最多嘅系茶！净系伯爵茶都十几种！可以讲我识得嘅茶种都有，中国、日本、印度⋯⋯问清楚店员下午茶嘅细节！叫了食物，每人一款茶！两个人倾下偈！食物到时我要求店员帮我影相，有个睇落似高级店员，好认真咁将食物茶壶摆位执靓晒，先比店员帮我哋影相 手指三文治($168)：一碟5款三明治，卖相好靓，5件三文治中间系火箭菜，味道其实唔太食得真！件件都太精致！外表赢过味道，5款之中最喜欢有细细煎蛋𠮶件，好可爱！面包松软，馅料唔多！ Manhattan Tea Set($288)表妹食，三层架下午茶，最吸睛！卖相好靓好高级！包一壶$85嘅茶，贵过$85蚊嘅茶就补差价就可以！其中马卡龙可以自选三款味道，佢比咗一件朱古力马卡龙我食，一向唔钟意马卡龙，点知呢间竟然令我
坐在店内中间二人枱，白色枱布加金碧辉煌嘅欧洲式装修！最好嘅装饰系墙上彩色嘅茶罐，店员会招呼我坐低，帮我哋舖上餐巾！
餐牌全英文，食物款式唔多，最多嘅系茶！净系伯爵茶都十几种！可以讲我识得嘅茶种都有，中国、日本、印度⋯⋯
问清楚店员下午茶嘅细节！叫了食物，每人一款茶！两个人倾下偈！食物到时我要求店员帮我影相，有个睇落似高级店员，好认真咁将食物茶壶摆位执靓晒，先比店员帮我哋影相
手指三文治($168)：一碟5款三明治，卖相好靓，5件三文治中间系火箭菜，味道其实唔太食得真！件件都太精致！外表赢过味道，5款之中最喜欢有细细煎蛋𠮶件，好可爱！面包松软，馅料唔多！
Manhattan Tea Set($288)表妹食，三层架下午茶，最吸睛！卖相好靓好高级！包一壶$85嘅茶，贵过$85蚊嘅茶就补差价就可以！其中马卡龙可以自选三款味道，佢比咗一件朱古力马卡龙我食，一向唔钟意马卡龙，点知呢间竟然令我有惊喜，马卡龙面脆，难得唔会甜死人，微微烟韧好味！
乌龙茶：表妹饮，佢比我试一杯，闻落好香，饮落温厚唔会太浓！好味！
Smoky伯爵茶：好皇烟薰味，好有特色，又有伯爵茶本身嘅香草味！唔系人人钟意嘅味道！茶壶好特别，有外壳扣起，中央内胆放茶叶，仲会用唔同颜色嘅壶，唔会搅乱！我未试过呢间，唔知规矩，饮完想叫店员加水，店员有礼讲解茶壶结构，话餐厅为了保证食客饮到味道有水准嘅茶，茶壶内系茶粉，所以唔可以加水冲第二转！我即刻明白晒！
饮茶倾偈，店员唔会骚扰，唔会赶客，讲真食物几贵，最紧要系比到高档嘅优越感（唔好祈待要食饱）服务保持店家规矩！不过呢度同门外排队等位嘅食客只有玻璃围篱，感觉比十几对眼望住食就唔够私隐！
高级高档买名牌嘅感觉！
张贴
