影片
更多
2019-11-09
49 浏览
约左人去兰桂芳饮野又未够钟，竟然喺威灵顿街揾到间中环茶记，无错，间餐厅就系叫做中环茶记。间餐厅装修到间冰室咁样，干净企理，打卡一流，而且座位阔落，坐得都算几舒服。一坐低就比佢墙上面几款好特别既西多士吸引住，有牛油果流心、紫薯流心、芋泥流心，样样都劲想试，原本想叫紫薯流心试下，点知店员话我知今日紫薯好好卖，一早卖哂，下次真系要早啲去试下佢有几好食。最后拣左咸蛋流心西多士，都无失望到，内馅既起沙咸蛋除左浓郁咸香，仲唔算腻，食得出有少少奶香甜味。由于友人唔饿，所以净系叫左个常餐沙嗲牛肉面，配明治奄列多士，多士配料又系有好多选择，友人最后拣左秋葵同磨菇。沙嗲牛面一黎到己经闻到阵阵花生香，忍唔住试左佢一啖，绝对有诚意。个多士就更加有惊喜，平时最憎食多士块包又干又硬，咬到牙肉都损，但佢块包劲软熟，而且蛋炒得够滑之余又一啲都唔油，同啲配料好夹。我自己就叫左个海南鸡+无骨猪手油饭，绝对系懒人首选，大大啖放哂入口骨都唔洗𦧲。一般海南鸡饭都系配三款酱，除左鸡要滑，三只酱都系海南鸡饭既重点，而佢地三款酱都一定系水准之上，食食下仲听到隔离枱叫店员比多碟酱佢。而个无骨猪手既胶质就好丰富，配埋油饭成个组合好有口感
间餐厅装修到间冰室咁样，干净企理，打卡一流，而且座位阔落，坐得都算几舒服。
一坐低就比佢墙上面几款好特别既西多士吸引住，有牛油果流心、紫薯流心、芋泥流心，样样都劲想试，原本想叫紫薯流心试下，点知店员话我知今日紫薯好好卖，一早卖哂，下次真系要早啲去试下佢有几好食。
最后拣左咸蛋流心西多士，都无失望到，内馅既起沙咸蛋除左浓郁咸香，仲唔算腻，食得出有少少奶香甜味。
由于友人唔饿，所以净系叫左个常餐沙嗲牛肉面，配明治奄列多士，多士配料又系有好多选择，友人最后拣左秋葵同磨菇。
沙嗲牛面一黎到己经闻到阵阵花生香，忍唔住试左佢一啖，绝对有诚意。个多士就更加有惊喜，平时最憎食多士块包又干又硬，咬到牙肉都损，但佢块包劲软熟，而且蛋炒得够滑之余又一啲都唔油，同啲配料好夹。
我自己就叫左个海南鸡+无骨猪手油饭，绝对系懒人首选，大大啖放哂入口骨都唔洗𦧲。
一般海南鸡饭都系配三款酱，除左鸡要滑，三只酱都系海南鸡饭既重点，而佢地三款酱都一定系水准之上，食食下仲听到隔离枱叫店员比多碟酱佢。
而个无骨猪手既胶质就好丰富，配埋油饭成个组合好有口感。
最后去冰室梗系要饮红豆冰，红豆大大粒又甜，奶香同椰汁香嘅比重岩岩好，最紧要系甜度适中。
友人就叫左杯明治牛奶奶茶，睇个名都知够哂滑啦，不过唔钟意太甜既朋友记得叫佢少甜。
顺带一题，店员操一口流利英文，隔离两台都系外国人，但店员对答如流仲介绍到野食比佢地，所以带外国同事黎食饭都好方便，加分！
0 浏览
0 赞好
0 留言
5 浏览
0 赞好
0 留言
3 浏览
0 赞好
0 留言
7 浏览
0 赞好
0 留言
张贴
