影片
更多
2024-08-02
856 浏览
星期三晚去，叫咗个丰盛二人套餐，其中羊架喺399元，埋单后发现收咗409， 收多咗10蚊.同侍应生讲话唔啱数，跟住佢check咗一轮就同另一位侍应讲话假期之后冇改返减10蚊呀！(因为佢星期六日会收多10蚊），我估计应该系忘记改返电脑，引致收多咗钱！但成程系冇同我解释,点解会收多10元！唔好意思都冇一句！跟住就叫另一位侍应畀返10蚊我。我话唔系10蚊㖞，因为有加一,所以应该系11蚊！于是又黑起块面同畀钱我𠮶位侍应讲："畀返11蚊佢啦!" 哗！阿姐，家阵我欠你嘅咩？？我攞返钱之后同朋友讲，乜佢哋收多人钱，完全唔使同个客解释点解嘅咩？阿姐听到，才好勉为其难咁讲话“唔好意思"! 咁嘅服务态度,想我返嚟再帮衬都几难啰！讲返食物先，套餐包咗头盘，两个main,一个饭或意粉,饮品,甜品,汤. 份量好足够，先讲个蘑菇汤，少少淡唔系太浓味。头盘系蜜瓜火腿，好食嘅。但系蜜瓜冇整走啲核，细节唔够啰。再嚟羊架三件，我叫medium 有水准嘅，切开冇流血，亦都几好食。之后黎个意大利饭，份量比一般大。味道唔错，好味，呢个要赞！再嚟西班牙黑毛猪，面头煎得好脆，都系水准之上，都系要赞。但系两碟main嘅配菜都系冻
但成程系冇同我解释,点解会收多10元！唔好意思都冇一句！跟住就叫另一位侍应畀返10蚊我。我话唔系10蚊㖞，因为有加一,所以应该系11蚊！于是又黑起块面同畀钱我𠮶位侍应讲："畀返11蚊佢啦!" 哗！阿姐，家阵我欠你嘅咩？？
我攞返钱之后同朋友讲，乜佢哋收多人钱，完全唔使同个客解释点解嘅咩？阿姐听到，才好勉为其难咁讲话“唔好意思"! 咁嘅服务态度,想我返嚟再帮衬都几难啰！
讲返食物先，套餐包咗头盘，两个main,一个饭或意粉,饮品,甜品,汤. 份量好足够，先讲个蘑菇汤，少少淡唔系太浓味。头盘系蜜瓜火腿，好食嘅。但系蜜瓜冇整走啲核，细节唔够啰。再嚟羊架三件，我叫medium 有水准嘅，切开冇流血，亦都几好食。
之后黎个意大利饭，份量比一般大。味道唔错，好味，呢个要赞！再嚟西班牙黑毛猪，面头煎得好脆，都系水准之上，都系要赞。但系两碟main嘅配菜都系冻嘅!! 呢啲细节嘢真系要改善下啰, 冇理由拎啲嘢出嚟，畀人食系冻㗎嘛, 估计啲配菜应该系预先整好咗，摆咗好耐，然后夹上去𠮶碟出餐就算数！咁样做高级西餐系唔得嘅！
加咗15蚊要杯朱古力沙冰，呢个又系唔得！虽然好似下面有一位师兄讲，打到真系冇冰粒，好绵，但系唔多够味啰，好淡下。甜品要咗雪糕，雪糕要加8蚊,但只系好一般嘅嘢,唔多抵食啰.
总括嚟讲，食物系ok嘅，（抱歉啲相，都系食食下先记得影)。装修都系好过茶餐厅，叫做高级少少。但系侍应表现认真麻麻！极度需要改善，否则只会赶客。
蘑菇汤
3 浏览
0 赞好
0 留言
张贴
