茶舍 (淘大商場2期)

营业中

休息中

好耐冇去过淘大，原来多左咁多食肆，晚饭见到茶舍个餐牌咁吸引，人客见到都坐满左九成，就决定比次机会佢。见到用qr code落单其实都几方便同快捷，menu劲多选择，好多样野都想食。最后叫左个芝士焗波士顿龙虾海鲜意大利饭，龙虾🦞都唔失礼，海鲜有青口、蚬、鱿鱼等等，芝士配意大利饭真系好夹，湿湿地得黎但又唔会好漏，好好味。见到隔篱枱既蒜香鸡中翼炸得几香脆，于是就叫埋，果然系即叫即炸，非常香口。饮品方便叫左个冻奶茶，茶味够香，奶味够浓，非常香滑。用餐期间，见到都非常多人叫外卖，可见都几受欢迎。价钱唔算太贵，但味道我认为可以媲美西餐厅，平民价钱高级食材，下次想试埋佢既扒餐。