扒王之王 (已結業)

食过几次扒王之王，感觉系一间靓Ｄ装修既茶餐厅，所以今次去其实冇抱任何期望咁去，结果果然系唔掂。四个人去，得一本餐牌，要慢慢传阅。上左汤我都未开始饮，碟扒已经到。刀叉用胶袋密封袋住，感觉怪怪咁，同环境好唔夹，果然系高级茶餐厅。地台升高左，Ｄ侍应行过时，好似地震一样。商场消费过$200有免费泊车，佢竟然是但俾张RECEIPT我，一时唔留意，走左先发觉我我地食左四百几，张receipt原来唔系我地既，系一张百几，唔够我免费泊车既receipt。…..实在太多唔开心野！当其他餐厅排长龙，佢可以有位，一定有佢既原因，再去青衣城食饭，都系唔好贪快，去过第二间等位算啦。