Nathanhouse (已結業)

本来约咗朋友去奥海城睇戏食饭，点知佢突然有事唔黎得，唯有自己去大食代揾食，行到尽头见到有间高雅的Nathanhouse餐厅，主打高质fusion 菜。餐牌上有多款套餐，一人餐正啱我自己一人食。忌廉蘑菇汤，口感绵滑，有香浓蘑菇味道。法国生蚝蚝味浓郁，有少许海水味。比目鱼是性价比最高的海产鱼鲜之一，肉质细嫩而洁白，厨师将鱼柳连鱼皮都煎到金黄色，十分香口，比目鱼细腻的口感，入口即化，丰富的脂肪令人齿颊留香。点上特别调制的汁酱，令鱼更鲜更好味！椰子鸡汤烩鲜海蚬，见到隔离枱食到赞不绝口，我都叫黎试吓，真系唔错，奶白色嘅汤鲜甜美味，用嚟煮海蚬，鲜上加鲜，蚬肉冇沙，肉质饱满，鲜甜滑嫩。餐饮冻柠茶，茶味够浓，甜度啱啱好！