伽倻韓國餐廳

营业中

休息中

登龙街实在太多野食，今日午餐决定同同事黎附近觅食，同事就推介左依家食韩国菜既餐厅，由于我地冇订位，我都担心会等好耐，估唔到我地好快就入座。 午餐既话有午市套餐，而且大部份都有优惠，感觉抵食好多。我地同行4人，每人都拣左套餐。石头锅饭($79)落单之后，配菜会先上，套餐包左3小碟，有泡菜、芽菜、甜薯和一碗牛骨汤。个人比较钟意甜薯咬落软腍腍几好味，相反配菜同汤就普普通通，而且份量比想像中少。石头锅饭颜色丰富，不过卖相一般，萝卜丝、芽菜、翠肉瓜占左大部分，而肉就偏少。我见图片中有蛋系中间，但黎到时蛋可能已经穿左，所以有d失望。整体份量适中，够饱，但食后感觉一般，吾算十分推介。如果以环境黎讲，坐位寛敞系几舒服，不过石锅饭既质素就好一般。餐厅其实仲有韩烧既选择，价钱相对会再贵d，有机会黎既话都可以试下既。