西貢松記車仔麵

营业中

休息中

松记车仔面 装潢好得体既车仔面，会比人感觉好贵，但原来价钱都accetable，仲要系赤柱呢d偏远地方，无乱咁加价真系少有。anyway，咁我就order左粗面，红肠，鱼饼，贡丸。嗱，老老实实，d汤底同面好好食，系赞既。汤底唔似街边求求其其整，比到d颜色同咸味你就算，佢汤底真系有车仔面味，至少唔会感觉系污糟，同埋好多味精咁样。平时我一定唔会饮汤，今次饮左一半，感觉几好。 d面就够咬口，唔会太冧，可能对部分人来讲偏硬左少少，可以试下叫河粉应该好好多。d配菜度，红肠good既，煎得够香，仲系厚切，比货。贡丸，普普通通，但系味道唔似出面街食果d，淡d，同埋无咁多料既感觉，唔知系咪自家制。至于旧鱼饼，on shit，难食死人。 卖相系吸引既，煎到金黄色咁样，但系个味有dd苦，跟住仲有d腥味，唔咸唔淡，orz。不如一枪杀死我，仲系贵过普通配菜既价格，食过一次唔会再叫。