一君士多 (已結業)

车仔面周街都有得食，但一君士多最特别嘅地方就系佢有好多高级嘅配料可以点！食车仔面再都唔系一件地踎嘅事情喇！！我哋今晚试咗一碗霸王面，呢碗车仔面劲啊：有鲍鱼、花胶、广岛蚝、花菇，真系好丰富！鲍鱼、广岛蚝同埋花菇都有两只，鲍鱼唔会韧，蚝亦都好有鲜味，花胶有几大块！配个猪骨汤底，好好味！饮品要咗冻柠蜜，滋润吓咁啦～另外仲叫咗车仔面套餐，自己拣配菜：要咗牛腩、猪肠、卤水鸡翼、辣鱼蛋，都系要猪骨汤底。牛腩同埋猪肠都煮得够腍，卤水鸡翼好入味，车仔面配料必点呀！饮品椰汁冰都ok，唔会好甜。之后再另加一碟蚝油生菜，今餐好味又健康。