The Tai Pan

营业中

休息中

因为预订了酒店staycation的套票，顺道来到酒店的餐厅午餐，餐厅装潢精致讲究， 适合高级商务午餐。由于经过OpenRice订座，所以套餐有85折优惠。前菜系佢哋signature龙虾沙律，凯撒沙律风格，沙律菜好新鲜，龙虾啖啖肉鲜甜，有一片片嘅芝士，亦有脆脆面包，入边仲有啲鱼仔干，但佢哋做得好仔细，鱼干亦都有少少柠檬味。跟住另一个前菜系带子，带子浸在意大利汤汁，清甜不腻，亦有黑鱼子相伴。如果选择呢一个前菜，差不多等于有一个餐汤。到主菜我哋拣咗小牛扒和羊架，小牛扒调味很好，在肉嘅外层有调味粉，不太咸，肉质林身多汁， 配芦笋和薯蓉。我个人较为喜欢羊架， 分量足够，调味汁料浓厚蕃茄味， 配上羊架亦很适合，另外旁边有少量薯蓉，亦配上外国通心粉， 口感非常好味道浓郁。由于套餐只是三道菜，甜品需要另外加大约$100， 甜品系会另外有一架车仔推过来俾你选择。今次选择了芒果拿破仑和朱古力慕丝蛋糕，两款蛋糕10分好味，不只是甜各项甜味鲜果味都配合得很好。