影片
更多
2022-11-30
2600 浏览
我好多年前曾经光顾过呢间餐厅当时比左个超级好评佢, 当时无论服务同食物, 都非常出色事隔多年, 重游旧地, 庆祝老婆生日, 番到黎呢间我地期望好高既餐厅今晚系一个以白松露为主题既Dinner Set, 价格每人HK$1,688 (+10%)我地坐低, 点完餐, 叫左酒, 一直坐...一直坐...一直坐餐厅经理们一直同其他枱既熟客饮酒, 一杯又一杯, 高帽厨师又系度饮紧, 似乎有几枱系非常熟既客人餐厅经理似乎饮到醉醉地, 连我叫佢介绍下餐牌几杯调酒, 佢都反应唔到, 剩系答我系「酒加D野」突然间, 终于有人上左第一道菜, 一放低道菜, 经理头也不回, 又冲左去隔离枱饮杯高级餐厅, 介绍下道菜唔系基本? 好快有个厨师过黎处理白松露我唔知系佢手震, 定张枱震, 定地震, D白松露整晒落张枱度, 我要人手执番D落碟度自己摆盘之后厨师一样头也不回, 冲去隔离枱饮酒, 大笑呢道菜, 完全无味, 而且上既时候, 一堆绿色既野, 我其实唔知呢碟系咩黎之后我问餐厅可唔可以介绍下道菜, 佢地讨论左一阵, 之后答左我两个字「带子」我系电话度上网揾番餐牌, 原来系「腌渍北海道带子」讲真个带子做得非常差, 口感
当时比左个超级好评佢, 当时无论服务同食物, 都非常出色
事隔多年, 重游旧地, 庆祝老婆生日, 番到黎呢间我地期望好高既餐厅
今晚系一个以白松露为主题既Dinner Set, 价格每人HK$1,688 (+10%)
我地坐低, 点完餐, 叫左酒, 一直坐...一直坐...一直坐
餐厅经理们一直同其他枱既熟客饮酒, 一杯又一杯, 高帽厨师又系度饮紧, 似乎有几枱系非常熟既客人
餐厅经理似乎饮到醉醉地, 连我叫佢介绍下餐牌几杯调酒, 佢都反应唔到, 剩系答我系「酒加D野」
突然间, 终于有人上左第一道菜, 一放低道菜, 经理头也不回, 又冲左去隔离枱饮杯
高级餐厅, 介绍下道菜唔系基本? 好快有个厨师过黎处理白松露
我唔知系佢手震, 定张枱震, 定地震, D白松露整晒落张枱度, 我要人手执番D落碟度自己摆盘
之后厨师一样头也不回, 冲去隔离枱饮酒, 大笑
腌渍北海道带子
20 浏览
0 赞好
0 留言
呢道菜, 完全无味, 而且上既时候, 一堆绿色既野, 我其实唔知呢碟系咩黎
之后我问餐厅可唔可以介绍下道菜, 佢地讨论左一阵, 之后答左我两个字「带子」
我系电话度上网揾番餐牌, 原来系「腌渍北海道带子」
讲真个带子做得非常差, 口感好差似系非常唔新鲜, 食唔到带子应有既口感
二黎系完全无味, 白松露亦唔够香, 果阵微微既香味同带子亦唔夹
之后我觉得奇, 法国餐厅, 唔系一般都会有面包提供? 坐左咁耐, 第一道菜都上埋, 点解无面包?
我又鼓起勇气, 举手问忙住饮酒既餐厅经理, 佢地问番我转头「乜你未食面包?」
面包
18 浏览
2 赞好
0 留言
就系咁, 我终于有包食, 不过系第一道菜之后, 而我好耐好耐之前点既果杯酒, 重未黎
菊芋忌廉汤
16 浏览
0 赞好
0 留言
紧随住面包, 个汤黎左, 讲真到呢一刻个人都无乜心情, 但Life Must Go On
菊芋忌廉汤
个汤讲真饮落似罐头汤, 无乜味, 白松露的确系有香味, 但唔突出, 个汤比较失望
呢个时候, 经过我再次提醒餐厅我叫左杯酒, 杯酒终于黎, 多谢餐厅百忙中帮我倒杯酒
真空慢煮普罗旺斯式羊扒
13 浏览
1 赞好
0 留言
终于进入主菜环节, 呢个系「真空慢煮普罗旺斯式羊扒」
呢个羊排系做得几出色, 够厚身, 肉非常软嫩, 羊味亦出到黎
配上底下既椰菜花蓉, 味道唔错
罗西尼牛排
9 浏览
0 赞好
0 留言
呢道菜就无羊排咁出色, 而最令我扣分既点系
果几条甘笋仔, 系充满渣, 我咬左好耐, 吞唔到, 佢起渣起到卡系我牙逢
千几蚊餐饭, D配料可唔可以处理得好少少? 比少少诚意?
牛排听餐厅讲系M6 澳洲和牛, 牛本身系好食既, 生熟度岩岩好
栗子蛋白杏仁饼
10 浏览
0 赞好
0 留言
甜品无特别, 得一个死甜味, 以呢个价位黎讲, 呢个甜品都几Hea
终于完左呢一餐, 我途中有同餐厅讲服务似乎有改善空间
餐厅同我讲今日好忙, 间餐厅得6-7枱客, 3-4个经理招呼人, 好忙吗?
当然, 因为大家都忙住系果几枱客度饮酒, 大笑, 大声倾计
我以为自己去左街市熟食中心食法国菜
而其他几枱客, 包括我, 就成晚享受你地既茶记服务, 就系零服务
呢间餐厅, 经过几年之后, 似乎挨唔过岁月既洗礼, 变成贵价茶记, 似乎今次亦系最后一次光顾
张贴
