鐵板超

营业中

休息中

铁板超位于尖沙咀，地点超方便，附近返工放lunch想食返餐好嘅叉叉电都可以考虑下～呢度嘅铁板烧和牛真系超正，入口即溶好有牛味，烧完溢出牛油嘅香真系超正，唔会烧得太干，里面仲锁住肉汁好Juicy，师傅仲好细心两件走青两件冇走，满足食客提出嘅需要😋烧海老同埋鳕鱼又系超好味，虾好新鲜又大只，火侯刚刚好，将海鲜嘅鲜味迫晒出嚟～鳕鱼好嫩滑，将鱼油煎出鱼皮好脆，口感非常丰富😍鹅肝多士好邪恶，鹅肝油非常甘香，煎完出嚟可能会有啲腻，但系配合脆多士吸左啲精华中和咗就好完美，多多都食得落🤩成个餐设计得好好，几度主菜份量啱啱好唔会太漏，而最后嘅炒饭都好好味好够镬气，啱晒一定要食少少碳水先够顶肚嘅朋友。前菜沙律蔬菜非常fresh，食完好开胃，而最后有一个炒杂菜，令全餐饭嘅营养更加全面。总括而言，餐厅走中高尚路线，但绝对物有所值，食材新鲜烧得恰到好处，推介大家拍拖生日约埋朋友仔一齐嚟试吓～