SUL JIB 술집

营业中

休息中

时代广场内新开左间fine dining 韩式🇰🇷居酒屋，餐厅内非常雅致，部分卡位有薄纱遮住，而且有一枱可以容纳10多个，见佢地系到聚会好有气氛🥳 2人位置都偏大，唔会迫狭。🍽️白切肉配八爪鱼韩国餐厅基本会有嘅白切肉，用料好丰富，有白切肉、泡菜、生菜、紫苏叶、八爪鱼。第一次食配有八爪鱼的，但又几夹，可能系因为八爪鱼，好似白切肉嘅口感，烟烟韧韧的，海鲜版菜包肉👍🏻 厚切白切肉加上生菜等配料，一啖过好满足😋另外仲有韩式虾酱，虾酱偏咸，但配无调味嘅白切肉就刚刚好 🍽️辣猪皮满满骨胶原嘅猪皮，猪皮处理得好好，冇多余嘅肥膏喺上面，猪皮口感烟韧，加上甜甜酸酸嘅韩式酱汁，减低左猪皮嘅油腻感。👍🏻🍽️芝士泡菜煎饼冇传统嘅泡菜煎饼咁干身，饼底较为软糯，但饼边煎得香脆。泡菜味突出，面头铺满芝士，非常饱肚。而且餐厅仲好贴心咁样切开咗一份份，方便食用😆。泡菜煎饼会配一个酱汁，但我个人比较喜欢点辣猪皮𠮶个酱汁😆个人觉得比较夹。🍹Soda 叫左柚子同青柠梳打🍹青新嘅口感可以消滞解腻。一入座嘅时候order左🧊Still Water，饮完soda 亦可以加still water入去，变柚子水。