池記 (已結業)

池记都算系老字号，都几岀名。晚饭时间都要排20分钟左右我地叫左:炸鲮鱼球: 最好食系呢个，一碟有四粒。成粒都好扎实，好足料，唔会好多粉果种，真系啖啖肉。外面炸得脆脆地，但唔会㶶。外脆内软 加啲酱 会仲好食。萝卜牛筋腩菜饭: 肉既份量好多，萝卜炆得好透，好淋好入味。牛筋唔算多，但牛腩好足，虽然淋，但都有得咬果种 唔系一般既淋。都系好入味，送饭好好食。连菜饭一齐食 有菜中和左肉既肥腻感，当然啲牛腩唔系肥，大概系3分1肥 3分2瘦，肥瘦适中。猪软骨云吞面: 云吞面系池记既招牌，所以黎呢到一定要食云吞！每粒云吞里面都有大大既虾仁，云吞唔算好大粒，但好饱满，好料足！每一粒都皮薄馅靓！仲有三四旧猪软骨，大大件，猪软骨每一啖都有酱油味，好入味，小小咸。同面一齐食，令到面既碱水味退去，中和肉既咸味，成件事好完美。上汤芥兰: 就系水灼芥兰，几乎无盐，食左其他咁多味道既野食，清清地咁几好。