尚鮮海鮮料理

营业中

休息中

同同事倾开偈，发现佢都系打边炉狂热者！嗱嗱临约佢放工一齐去揾好嘢食！我哋上网见到呢间火锅店嘅海鲜劲吸引，就即刻book枱嚟叹返餐了！环境好有格调，店员好好服务，我哋又想食得惹味，但又惊太燥，就拣咗鸳鸯锅！一边系清热冬瓜、另外一边系惹味冬阴功，一上枱就香到令我哋流晒口水！打边炉首先要食个靓牛！叫咗个手切安格斯牛，刀工一流，见到都觉得好食！黑豚肉片都摆到靓靓仔仔，份量亦好足！主打嘅海鲜拼盘，劲新鲜，一啲都唔老，只虾劲鲜甜呀！鲜打四宝丸，食落好多汁弹牙，食过返唔到转头，唔会再想食啲急冻丸！双拼饺子大大只超级足料！入面只虾仲好弹牙！打边炉个酱料都好重要，个酱料可以自由组合～好少有机会食到皇帝菜，加埋个汤底真系好好食！仲叫咗个手调青柠特饮，酸酸甜甜咁好开胃，最后同同事两个人扫晒所有嘢食，食到好饱！真系好满足