泓料理

营业中

休息中

Weekday 约咗朋友嚟呢间新开既日本料理餐厅食饭, 惊喜地好味! 试咗个$500 唔洗既Omakase, 由前菜到主食至最后个自家制鸡汤用既食材都好新鲜。𠮶晚坐喺bar 枱, 所以一边食, 厨师会一边介绍佢哋选用既食材同埋整法。睇得出佢哋好尊重食客, 喺食物制作既过程每用一只调味料都好讲究。厨师仲会讲解食刺身既次序, 令我哋除咗享用美食仲有资讯吸收, 真系边食边学!唔系夸张, 呢个价钱配埋呢种质素, 出面真系揾唔到, 性价比超高。特别推介秋刀鱼寿司, 未入口前以为会腥, 但点知出奇地肥美, 入口即溶。厨师仲会喺秋刀鱼面稍为烧一烧令佢更香。中拖罗寿司都好色, 加咗鱼子喺上面, 令件寿司既味道好丰富。平时食开啲八爪鱼刺身通常都好韧好似橡筋，但呢间泓料理嘅八爪鱼刺身唔单止唔韧，仲好爽口，再加埋三文鱼子一齐食真又够鲜味，又有口感！