壽司藝 (已結業)

自从上次家姐带我去食omakase后就念念不忘，今次轮到佢生日我都带返佢食omakase庆祝。我地今次拣左中级嘅“彩”set，包括前菜、刺身、热荤、寿司、汤及甜品。每样食物师傅都好用心地喺我地面前制作，可以边欣赏师傅精湛嘅手艺刀功边品尝美食，成餐饭食得开心又满足。前菜 - 中拖罗鱼子酱 师傅将中拖罗剁成肉碎，捞匀鱼子酱食。第一次食，鱼子酱爆开嘅感觉几特别。赤贝咬落清爽、弹牙，好鲜味。北海道生蚝好大只，食落海水味唔重，仲好鲜甜。海鳗鱼bb同萤光鱿鱼都系春季限定，海鳗鱼bb爽口得嚟又有点烟韧，萤光鱿鱼有少少海水咸味好好食。鲍鱼鲍鱼肝酱一啲都唔腥，就咁食都好味。鲍鱼经过盐烤口感精致，捞埋鲍鱼肝酱令鲜味更突出。蛋黄酱牡丹虾食落有啲黏口，味道甜甜地好好味。烧拖罗 师傅将拖罗烤熟表面后，再用海苔夹埋山葵、紫苏叶，再洒上岩盐先完成。一啖咬落去鱼油满泻，味道好有层次好正。炸牡丹虾头 师傅将牡丹虾制成两种菜式一虾两味，估唔到炸过嘅虾头都咁好味，加左柠檬汁唔会好腻好正。烧目光鱼比较多骨但可以轻易咬碎嚟食，食落有少少腥味，不过加左柠檬汁好啲。渍物有蒜头、子姜、荞头、淮山及牛蒡。寿司深海池鱼 - 好香鱼油味安